LDK: Zhvillimet në Kuvend, arsyeja e dështimit të takimit Thaçi-Vuçiç

Mos i humb

Lidhja Demokratike e Kosovës ka vlerësuar se arsyeja kryesore e dështimit të takimi të sotëm në Bruksel mes presidentit të Kosovës, Hashim Thaçi dhe atij serb, Aleksandar Vuçiç ka të bëjë me zhvillimet politike brenda Kuvendit të Kosovës gjatë kësaj jave.

Sipas LDK-së, presioni i opozitës për miratimin e Rezolutës, përmes së cilës do të ndalej procesi i pazareve me kufijtë e  Kosovës, ka dërguar sinjal në Bruksel se Thaçi nuk mund të bisedojë për këtë temë.

“LDK do të vazhdojë fuqishëm ta kundërshtoj këtë formë të dialogut, ku Presidenti pa mandat nga Kuvendi i Kosovës t’i prijë këtij procesi, si dhe të ndalojë secilin institucion që hyn në aventura ku mund të cenohet territori, integriteti dhe sovraniteti i vendit” shkruan në komunikatën për media, zyra e LDK-së për informim.

Partia më e vjetër në vend u ka bërë thirrje të gjitha partive politike parlamentare që të vijnë në seancën e jashtëzakonshme të ftuar nga opozita dhe ta miratojmë Rezolutën që lidhet me mbrojtjen e sovranitetit të vendit.

“LDK beson që dialogu është forma e vetme e zgjidhjes së mosmarrëveshjeve me të gjitha vendet e rajonit, por këtij procesi duhet t’i prijnë institucione legjitime dhe me mandat të qartë kushtetues. Vetëm zgjedhjet e reja mund të prodhojnë institucione të tilla, shkruan në komunikatë./Kosova Post/

- ISLAMSHOP.CH -spot_img
- ISLAMSHOP.CH -spot_img

Të fundit