Greqia dhe Maqedonia do ta nënshkruajnë të dielën marrëveshjen për të ndryshuar emrin e ish-republikës jugosllave, njoftoi qeveria greke të premten.
Marrëveshja do të nënshkruhet nga ministrat e jashtëm të të dy vendeve në rajonin e Prespës, që kufizohet me Greqinë, Maqedoninë dhe Shqipërinë, thuhet në njoftimin për shtyp.
Kryeministri grek Alexis Tsipras dhe homologu i tij maqedonas Zoran Zaev ranë dakord se emri i ri zyrtar i Maqedonisë do të jetë Republika e Maqedonisë Veriore.
Por ajo po përballet me opozita të forta në dy vendet, politike e civile.
Presidenti maqedonas tha se do ta bllokojë atë, ndërsa në Greqi opozita kërkoi një votëbesim ndaj kryeministrit Tcipras.
Marrëveshja për emrin e ri duhet të ratifikohet nga të dy parlamentet, dhe në Maqedoni ajo do kalojë në referendum. /tesheshi.com/
