Presidentja e Kosovës, Vjosa Osmani iu është bashkuar mesazheve në kuadër të 25-vjetorit të Masakrës së Rezallës.
Ajo tha se forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra.
“Eshtrat e 44 të vrarëve janë gjetur disa vite më pas në Rudnicë të Rashkës.
Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme.
Drejtësi për viktimat dhe kujtim i përhershëm për to!
Qoftë i përhershëm kujtimi për të gjithë të rënët për liri!”, përfundoi presidentja.
Kujtojmë se gjatë luftës së viteve 1998-’99 në Kosovë u vranë rreth 13.000 njerëz, ndërsa mbi 1.600 të tjerë ende konsiderohen të zhdukur.
