Kreu i Partisë së Lirisë, Ilir Meta është thirrur sot në SPAK. Meta mbërriti paraditen e sotme në SPAK, për çështjen CEZ-DIA.
Në një prononcim për mediet, para hyrjes në SPAK, Meta iu përgjigj interesimit të gazetarëve se për çfarë është thirrur, duke e konsideruar thjesht një telenovelë.
“Jam thirrur për telenovelën CEZ-DIA”, tha Meta.
“Është telenovelë, e cila është gjykuar nja 2 herë, e cila është është rihapur për rastin konkret në dhjetor të vitit 2019-ën nga një kallëzues i rremë, i cili është dënuar 2 herë nga gjykatat për shpifje dhe i cili është dënuar dhe një herë nga gjykata për dhunë në familje”, tha Meta.