ARRSH njofton zyrtarisht mbi gjendjen e akseve në gjithë Shqipërinë që në natën e kaluar u përfshi nga moti i keq.
Sipas ARRSH, qarkullimi vijon normalisht në të gjitha akset kombëtare. Rënie materialesh pati në akset Librazhd-Elbasan, në kilometrin 107 Kalimash, Shkopet-Ulëz, Lukovë-Bunec dhe Ura e Kranës Syri i Kaltër.
Ndërkohë rekomandohet që në rrugën e Dardhës të qarkullohet me zinxhirë nga km 6 deri në km 12.
NJOFTIMI NGA ARRSH
📌Informacion mbi gjendjen e akseve kombëtare
Gjatë natës kanë vazhduar reshjet në të gjithë territorin🌧🌨 por pa sjellë probleme të mëdha me qarkullimin 🚖
👉Vazhdon qarkullimi normal në të gjitha akset kombëtare.
Rënia e materialeve në segmentet: Ura e Kranës Syri i Kaltër, Lukovë-Bunec, Librazhd-Elbasan, në Kalimash km 107 dhe Shkopet-Ulëz është mbajtur gjithe kohën nën kontroll, për të mos sjellë probleme në qarkullim.
🚧Në rrugën e Dardhës në orët e para të mëngjesit, për shkak të temperaturave të ulëta rekomandohet që nga km 6 deri në km 12 të qarkullohet me zinxhirë🚘
⚠️Kontraktorët janë në gadishmëri për përballimin e çdo situate që mund të paraqitet.
