Prej dy ditësh ka filluar muaji i Madh i Ramazanit ku besimtarët e fesë islame po përpiqen të ambientohen me situatën e re dhe me kushtet e reja të vendosura nga autoritetet shëndetësore për shkak të pandemisë Covid 19.
Megjithatë për praktikantët të gjitha ndryshimet konsiderohen si një sprovë e Krijuesit dhe nuk ka rrugë tjetër veçse t’i pranojnë dhe të adaptohen.
Me shumë gjasë këtë vit as falja e Fitër Bajramit në fund të muajit maj nuk do të zhvillohet në sheshin “Skënderbej” apo në Bulevardin “Dëshmorët e Kombit”, si ka qenë tradita e vendit tonë, të paktën deri në një vendim të dytë të organeve shtetërore.
