Isa Mustafa, kryetari i LDK-së, edhe një herë ka prekur çështjen e idesë për korrigjimit të kufijve të lansuar nga Presidenti Thaçi, ndërsa ka përsëritur se për LDK-në kufijtë janë të paprekshëm.
Siç shkruan Muatafa në një postim në Facebook, hapja e dialogut për kufijtë, është vetagresion ndaj shtetit dhe territorit të Kosovës.
“Nëse dikujt i ka mbetur të bëjë pazare me korrigjimin e kufijve, ai mund të korrigjoj vetëm mexhat e arave të veta, jo kufijtë e Kosovës”, ka shkruar Mustafa në Facebook.
Postimi i plotë i Isa Mustafës në Facebook:
Qytetarë të nderuar,
Për LDK-në, kufijtë e Kosovës janë të paprekshëm.
Është i ndaluar dialogu për kufijtë, për territorin, për pavarësinë e shpallur më 17 shkurt 2008! Hapja e dialogut për kufijtë, është vetagresion ndaj shtetit dhe territorit të Kosovës.
Nëse dikujt i ka mbetur të bëjë pazare me korrigjimin e kufijve , ai mund të korrigjoj vetëm mexhat e arave të veta, jo kufijtë e Kosovës. IM
