Është ndarë nga jeta në moshën 87-vjeçare babai i ish-Presidentit të Kosovës Hashim Thaçi.
Mediat e Kosovës raportojnë se Haxhi Thaçi po trajtohej në Qendrën Klinike Universitare, por nuk e fitoi dot betejën me sëmundjen e rëndë dhe ndërroi jetë mbrëmjen 17 Marsit.
Ai u nda nga jeta disa dita pas vizitës së ish-Presidentit në spital pas një leje të posaçme nga Gjykata Speciale.
Endrit Thaçi, dali i presidentit Thaçi, ka bërë një reagim për vdekjen e gjyshit të tij Haxhi Thaçi.
Në një postim në Instagram, ai shkruan se gjyshi i tij ishte burim frymëzim për të gjithë familjen ndërsa lutet që të prehet në paqe.
“Baci i mbylli sytë i qetë pas takimit me babin! Ka qenë gjithmonë frymëzim për mua dhe familjen. Vuajtjet nga padrejtësia u bënë të pa përballueshme. Prehu në paqe Bac!”
Kryeministri Edi Rama, ka reaguar pas ndarjes nga jeta të Haxhi Thaçit, babait të ish-presidentit të Kosovës, Hashim Thaçi.
Rama ka shkruar “baba iku krenar Hashim”.
