Kryeministri i Maqedonisë, Zoran Zaev në një intervistë për Deutsche Welle tha se do të bëjë çka është e mundur për të dëshmuar se nuk ka çështje që nuk mund të zgjidhen.
“Në lidhje me bashkëpunëtorët e mi me të cilët sëbashku jemi lëshuar në këtë sprovë të madhe – t’i plotësojmë pritjet e qytetarëve dhe sëbashku të krijojmë shtet dhe shoqëri të denjë për të gjithë qytetarët, nuk më mbetet gjë tjetër veçse të vërtetoj se të gjithë jemi të gatshëm për këtë rrugë. Që nga fillimi ato e kanë të qartë se çka pritet nga ne dhe se duhet të plotësojmë standarde dhe kritere të cilët i kërkonim nga kundërshtari ynë politik, bashkë me qytetarët tonë.”, tha Zaev.
Ai shtoi se në këtë rrugë ka insistuar që t’i bashkangjiten ato me dëshirë, vendosmëri dhe talent, ato që janë të bindur dhe që e kanë bindur atë se mund të arrijnë rezultatet më të mira të mundshme për qytetarët, interesin publik dhe shoqërinë.
“Unë nuk do të lejoj lëshime nga ajo që kemi planifikuar dhe do të kërkoj plotësim të detyrimeve të dakorduara bashkë. Besoj se të gjithë bashkëpunëtorët e mi në Qeveri dhe bashkëudhëtarë në këtë rrugë, do të japin gjithçka nga vetja, potencialin e tyre më të madh”, përfundoi Zaev./Telegrafi/
