Ministria e Punëve të Brendshme të Kosovës, ka njoftuar se nga e hëna fillon me aplikimin e takimeve online lidhur me shërbimet ndaj shtetasve të huaj për leje të qëndrimit.
Sipas një njoftimi për media, ky aplikim ka për qëllim lehtësimin e procesit të aplikimit për leje të qëndrimit nga shtetasit e huaj, eliminimin e pritjeve të gjata dhe respektimin e të drejtave të shtetasve të huaj të cilët aplikojnë për leje qëndrim në Republikën e Kosovës si dhe avancimin e sistemeve elektronike.
“Shtetasit e huaj të cilët aplikojnë për leje të qëndrimit si dhe shërbimet tjera që ndërlidhen me fushëveprimin e Divizionit për të Huaj, që nga data 21.06.2021 për këto shërbime do të mund të aplikojnë tek terminët online”, thuhet në njoftim.
