Ambasadorët dhe diplomatët finlandez të Ballkanit Perëndimor janë takuar sot më kryeministrin e Kosovës, Ramush Haradinaj.
Haradinaj ka thënë se marrja në kryesim të Këshillit të BE-së nga Finlanda, do të jetë zë i fuqishëm i Kosovës në strukturat e BE-së.
Sipas kryeministrit, me qëndrimin e Gjermanisë për vizat, edhe Finlanda do të jetë në krah të vendit tonë për të përmbyllur këtë proces.
Ja postimi i plotë i Haradinajt:
Me marrjen e kryesimit të Këshillit të BE-së nga 1 korriku i këtij viti, besojmë fuqishëm se shteti mik, Finlanda, do të vazhdojë të jetë zë i Kosovës në strukturat e Bashkimit Europian.
Mëngjesin e sotëm kam zhvilluar takim pune me ambasadorët dhe diplomatët finlandez në rajonin e Ballkanit Perëndimor, me qëllim të informimit të drejtë dhe të hollësishëm për hapat konkret të Qeverisë për fuqizimin e sundimit të ligjit, zbatimin e reformave të gjithëmbarshme dhe agjenden europiane të Kosovës.
