Komuniteti lokal i Ptolemaidës në Greqi është tronditur nga lajmi për vrasjen e një gruaje 74-vjeçare nga djali i saj 50-vjeçar, i cili, pak kohë më pas, i dha fund jetës me të njëjtën armë me të cilën kishte qëlluar nënën e tij.
Sipas informacioneve, autori vuante nga probleme psikologjike dhe në të kaluarën është kuruar.
Ngjarja tragjike ndodhi brenda shtëpisë, në rrugën 3 Koroxenis, ku po qëndronin gruaja e moshuar dhe djali i saj.
Policia ka nisur hetimet në lidhje me ngjarjen e rëndë. Ndërkohë, sipas informacioneve të para kanë qenë të afërmit që i kanë gjetur ata të pajetë në banesë.