Ushtria nigeriane konfirmoi se ka shpëtuar 54 gra dhe fëmijë të mbajtur në robëri nga grupi terrorist Boko Haram.
Në deklaratën e publikuar sot nga zëdhënësi ushtarak Sagir Musa thuhet se ushtarët shpëtuan robërit në një operacion pastrimi gjatë fundjavës në shtetin Borno.
Zëdhënësi i ushtrisë tha se personat e shpëtuar përbëhen nga 29 gra dhe 25 fëmijë.
Musa tha se luftëtarët e Boko Haram kishin braktisur fshatrat para se të vinin trupat.