Familjet janë evakuuar nga të paktën 60 shtëpi pas një zjarri pyjor në ishullin spanjoll të pushimeve të Mallorcas.
Sipas mediave të huaja, përcjell Telegrafi, bëhet fjalë për një ngjarje kur flaka filloi në zonën Coll de Siller të qytetit të Port de Pollenca në anën lindore të ishullit Balearic.
Pamjet dramatike të flakës tashmë janë parë nga mijëra në internet.
Zyrtarët e zjarrit e përshkruan atë si një zjarr pyjor të nivelit të parë, duke paraqitur një rrezik për pronën.
Shkaku i zjarrit është i panjohur por dyshohet se është shkaktuar nga një shtyllë e energjisë elektrike.
Rreth 45 zjarrfikës, policë dhe punonjës të mbrojtjes civile u thirrën në vendin e ngjarjes.
Të gjithë njerëzit që kishin për të dalë nga shtëpitë e tyre ishin në gjendje të qëndronin me të afërmit, miqtë ose në shtëpitë e dyta, kështu që zyrtarët lokalë nuk kishin nevojë të furnizonin ambiente të veçanta. /Telegrafi/
