Kryeministri Rama e nisi ditën e sotme në profilin e tij në “Facebook” me postimin e disa shifra të Ministrisë së Infrastrukturës dhe Energjisë në lidhje me numrin e pasagjerëve të transportit ajror.
Rama shkruan se hyrjet e të huajve në vendin tonë gjatë kësaj periudhe janë rritur me 9.7 përqind në 2018 gjatë periudhës janar-maj krahasuar me të njëjtën periudhë të një viti më parë.
“Me këto tregues të rritjes mbresëlënëse gjatë 6 viteve të fundit në numrin e pasagjerëve të transportit ajror, si edhe me lajmin e mirë që në 5 muajt e parë të vitit, hyrjet e të huajve në vendin tonë janë rritur me 9.7% krahasuar me të njëjtën periudhë të një viti më parë, ju uroj një ditë të bukur”, shkruan Rama.