Prezenca e OSBE-së në Tiranë, uroi sot kryetaren e zgjedhur të Gjykatës Kushtetuese, Holta Zaçaj.
“I urojmë asaj dhe të gjithë anëtarëve të Gjykatës sukses në ushtrimin e detyrës së tyre themelore dhe presim me kënaqësi të vijojmë bashkëpunimin e afërt dhe frytdhënës edhe nën drejtimin e ri të saj”, thuhet në njoftimin e Prezencës së OSBE-së.
Mbledhja e Gjyqtarëve të Gjykatës Kushtetuese zgjodhi sot në raundin e tretë të votimit Kryetaren e re të Gjykatës Kushtetuese, Holta Zaçaj.
Holta Zaçaj, në muajin janar të vitit 2023 është emëruar anëtare e Gjykatës Kushtetuese.
