Të paktën katër fëmijë u plagosën sot kur një person i armatosur hapi zjarr në një shkollë në jugperëndim të Pakistanit, njoftoi policia dhe mediat lokale.
Të shtënat ndodhën në periferinë lindore Quetta, kryeqyteti i provincës Balochistan, ku persona të armatosur në motoçikletë hapën zjarr në hyrjen e një shkolle private, duke plagosur katër nxënës minorenë, raportoi televizioni Geo News.
Të plagosurit u qëlluan në këmbë, njoftoi kanali duke cituar autoritetet shëndetësore. Ata janë jashtë rrezikut.
Asnjë grup apo individ nuk e ka marrë përgjegjësinë për sulmin deri më tani.
Në vitin 2014, terroristët sulmuan një shkollë të drejtuar nga ushtria në qytetin Peshawar, duke vrarë 150 persona, kryesisht studentë./Rtv ISLAM/
