Pakistani raportoi të martën rastin e tij të parë “të konfirmuar” të variantit të ri BF.7 Omicron të koronavirusit, sipas burimeve në departamentin e shëndetësisë, spas Geo News.
Rasti i parë i llojit shumë infektiv të COVID-19, i cili shkaktoi një kaos në Kinë, u zbulua në zonën Gulshan-e-Iqbal të Karaçit, thanë burimet.
Varianti i ri i koronavirusit është zbuluar te një pacient përmes sekuencës së gjeneve. Pacienti nuk ka histori udhëtimi në Kinë.
Simptomat e variantit të ri të COVID-19 përfshijnë ethe, dhimbje të fytit, rrufë, lodhje, të vjella dhe diarre.
Pavarësisht nga karakteristikat imun-evazive të BF.7 dhe shenjat shqetësuese për rritjen e numrit të rasteve në Kinë, varianti duket se mbetet mjaft i qëndrueshëm diku tjetër.
Në SHBA, u vlerësua se virusi BF.7 përbënte 5,7% të infeksioneve deri më 10 dhjetor 2022, nga 6,6% një javë më parë. Shkalla e lartë e riprodhimit të BF.7 në Kinë mund të jetë pjesërisht për shkak të një niveli të ulët të imunitetit nga infeksioni i mëparshëm dhe ndoshta vaksinimi.
Sipas të dhënave më të fundit, BF.7 transmetohet më shpejt se variantet e tjera. Ka një periudhë më të shkurtër inkubacioni me një kapacitet më të madh për të infektuar personat që kanë qenë më parë të infektuar me COVID-19 apo edhe të vaksinuar.
