PD sulmon Ramën/ “Klientelizëm, luks e braktisje”, Teliti: 5 problemet e projektbuxhetit 2021

Mos i humb

Kuvendi miraton kërkesën e PS, gati ngritja e Komisionit të Posaçëm për hetimin e raportit të Dick Marty

Kuvendi ka miratuar kërkesën e mazhorancës për ngritjen e një Komisioni të Posaçëm Hetimor, që do të hetojë raportin e Dick Marty.

Putin mesazh urimi Metës për festën kombëtare: Zhvillimi i marrëdhënieve ruso-shqiptare do t`u përgjigjej interesave të popujve të vendeve tona

Presidenti i Rusisë Vladimir Putin iu ka dërguar nga një mesazh urimi Presidentit të Republikës Ilir Meta me rastin e festës së...

Kontakte me një të infektuar me koronavirus, mbreti spanjoll Filipe VI në karantinë

Mbreti spanjoll Felipe VI është izoluar pasi ka pasur kontakt me një person që ka rezultuar pozitiv me koronavirus.

A Duhet Ngrënë Banane Me Stomak Bosh – Përgjigjet

Nga të gjitha vaktet që konsumojmë në ditë, mëngjesi është absolutisht më i rëndësishmi. Këshillat e ekspertëve thonë se...

Drejtori i kabinetit dhe eksperti i ekonomisë në PD, Dorjan Teliti në një dalje publike nga selia blu lëshoi akuza në drejtim të qeverisë Rama.

Në emër të PD-së Telit tha se dëshmi e dështimit të qeverisë është mungesa e vendeve të reja të punës, ndërsa shtoi se “Projekt buxheti 2021 i publikuar dy ditë më parë mund të përmblidhet në pak fjalë, klientelizëm, luks, braktisje, dështim dhe paaftësi.”. Ai evidentoi 5 problematika projektbuxhetit 2021.

REAGIMI I PD
Të dashur qytetarë.
6 muaj para zgjedhjeve të 25 prillit, pas 7 viteve me mashtrime, taksa të larta, abuzime me fondet publike, tashmë shtohet edhe guri më i fundit në murin e lartë të dështimeve të Edi Ramës.
Projekt buxheti 2021 i publikuar dy ditë më parë mund të përmblidhet në pak fjalë, klientelizëm, luks, braktisje, dështim dhe paaftësi.
Cilat janë 5 problematikat kryesore të evidentuara në projektbuxhetin e fundit të kësaj qeverie?
Së pari, qeveria do të gllabëroj të gjithë vlerën e shtuar të ekonomisë me anë të huamarrjes, me anë të borxhit. Vetë qeveria parashikon që Produkti i Brendshëm Bruto do të rritet me 830 milionë euro gjatë vitit të ardhshëm, ndërkohë që po vetë qeveria ka planifikuar deficitin 2021 në plot 890 milionë euro. E gjithë rritja ekonomike praktikisht do të konsumohet nga tafmaja qeveritare për shpenzime jo produktive.

Së dyti, ligjërohet urdhri “Kap ça të kapësh”.
Për të kryer sa më shumë tendera, për të kapur çdo qindarkë që ka mbetur ne arkën e shtetit, për të prerë shiritat elektorale, qeveria për herë të parë në historinë 30-vjecare, autorizon kryerjen që këtë vit të procedurave të prokurimeve publike të vitit tjetër ende pa u çelur buxheti në janarin e vitit të ardhshëm. Fondet ende nuk janë çelur, por institucionet të prokurojnë me urgjencë – urdhëron Rama.
Së treti, ky nuk është buxheti që mbështet biznesin, asgjë për ta, përkundrazi, rriten me 25 milionë euro detyrimet e tyre për sigurimet shoqërore dhe shëndetësore.
Së katërti, ky nuk është buxheti i pensionistëve, pasi nuk parashikon rritje reale të pensioneve për mbi 650 mijë pensionistë, e jo më për bonusin e tyre për festat e fundvitit.

Nuk është buxheti i familjeve me ndihmë ekonomike, pasi asnjë qindarkë shtesë nuk do të ketë për ta.
Nuk është buxheti i dëmshpërblimit të ish të përndjekurve politikë, të harruar tashmë nga qeveria e premtimeve boshe, e cila për vitin e ardhshëm do të financojë vetëm 8 mln euro, tre herë më pak sesa viti 2013.
Dhe së pesti, po jo më pak nga rëndësia, ky nuk është buxheti i njerëzve të thjeshtë, i të papunëve, i sipërmarrësve shqiptarë, por është buxheti i oligarkëve të PPP-ve dhe qeveritarëve të shpenzimeve luksoze.
118 milionë euro për PPP korruptive dhe klienteliste dhe mbi 38 milionë euro për rikonstruksione godinash, pajisje zyrash apo blerje makinash.
Me këto para mund të ndihmoheshin mbi 1 milionë shqiptarë për 3 muajt e parë të 2021 me paketën Basha për daljen nga kriza, paketë e cila ka kosto mujore prej 52 milionë euro.
Edi Rama e ka ndarë mendjen dhe nuk do të ndërmarrë paketën e tretë aq të domosdoshme për ti bërë ballë realitetit të hidhur që po jetojmë, por ama parashikon që të shpenzojë 1.6 milionë euro për rikonstruksionin e godinës kryeministrore.
Edi Rama dhe Erjon Veliaj nuk mendojnë se me çfarëdo të ushqehen të pamundurit, por ama parashikojnë të shpenzojnë 4 milionë euro për ri jetësimin e piramidës. Këto janë të vërtetat e hidhura të këtij projektbuxheti dështak.
Ama një të mirë e ka. Ky është buxheti i fundit i Ramës, që erdhi me premtime të bujshme se me demek do punonte për njerëzit, por që në asnjë moment nuk mendoi për ta, por vetëm si e si të pasurohet me miqtë e shokët në kurriz të miliona shqiptarëve. Prandaj në 25 prill, me votën e qytetarëve të lirë, keqqeverisja do marri përgjigjen e merituar dhe ditë më të mira do vijnë për njerëzit e ndershëm të këtij vendi.

- ISLAMSHOP.CH -
- ISLAMSHOP.CH -

Të fundit

Itali, policia arreston 28 pjesëtarë të dyshuar të ”Camorra”-s

Policia italiane arrestoi të paktën 28 persona, të dyshuar si pjesëtarë të grupit të njohur mafioz ”Camorra”. Të arrestuarit...

Meta ktheu ligjin për ”Policinë e Shtetit”, Murrizi: I jap të drejtë, jemi në prag të zgjedhjeve. Rama për vota do u thotë policëve…

Deputeti i opozitës parlamentare dhe kreu i grupit demokrat, Myslim Murrizi i ka dhënë të drejtë zyrës juridike të Presidencës për arsyet...

Po transportonte lëndë drusore të prera në mënyrë të paligjshme, bllokohet mjeti në Lezhë, nën hetim shoferi

Policia e Lezhës ka goditur një rast të krimeve mjedisore, duke bllokuar një automjet, që transportonte lëndë drusore të prerë në mënyrë të...

Aksident me vdekje në Lushnje, shoferi humb kontrollin prej problemeve shëndetësore, u përplas me murin

Një aksident me vdekje është regjistruar paraditen e sotme në fshatin Plug të Lushnjes. 53-vjeçari N.R, duke drejtuar automjetin ”Benz”, prej problemeve...

Kjo fole është më e çuditshmja që keni parë ndonjëherë

Një fole gjigande grerëzash është gjetur në një fshat në Turqi. Pronari Adem Kurkut zbuloi folenë 85 cm të gjatë në çatinë...