Bllokimi i marrëveshjes së sotme do të thotë bllokim i së ardhmes së BE-së, deklaroi kreu i grupit të socialistëve të BE-së, Iratxe Garcia Perez, duke mbërritur në takimet e socialistëve në Bruksel.
”Ne presim që marrëveshja e arritur mes tre familjeve politike të ratifikohet sot, do të kundërshtojmë ata që përpiqen të punojnë kundër BE-së, nuk ka asnjë bashkëpunim të mundshëm me të djathtën ekstreme”, përfundoi Garcia Perez.
Kancelari gjerman, Olaf Scholz, ka bërë të ditur se partitë politike më të mëdha të Evropës kanë arritur një marrëveshje se kush duhet të plotësojë postet kryesore të Bashkimit Evropian (BE).
“Antonio Costa do të jetë president i ardhshëm i Këshillit Evropian, Ursula von der Leyen do të jetë presidentja e Komisionit Evropian dhe politikania baltike Kaja Kallas do të jetë përfaqësuesja e lartë për çështjet e jashtme dhe politikën e sigurisë”
