Kryeministri Edi Rama ka qenë sot në disa prej zonave të mbytura nga reshjet e shiut përgjatë kësaj fundjave.
Rama u ndal në Ferras të Fierit, ku dalja nga shtrati i lumit Vjosa shkaktoi përmbytje dhe dëme të konsiderueshme për banorët e zonës.
Rama është parë krah kryebashkiakut të Fierit Armando Subashi.
Ndërkohë, kryeplaku Zani Hyka është shprehur për mediat se shtëpi të përmbytura mund të jenë 12 ndërsa shton se dëmi i bërë është kolosal.
Sipas tij, banorët e rrezikuar u larguan nga banesat me ndihmën e ushtrisë kurse pati edhe nga ata që përfunduan në spital.
Nga raportimet, sot niveli i lumit Vjosa ka rënë, por janë dhjetëra hektarë tokë bujqësore që ndodhen ende nën ujë dhe banorët kanë apeluar për ndihmë.