Ministri gjerman i Mbrojtjes Boris Pistorius deklaroi se Gjermania nuk do të jetë në gjendje të zëvendësojë të gjitha tanket që janë dëmtuar ose shkatërruar në betejë në Ukrainë, por Berlini do të vazhdojë të dërgojë më shumë tanke ”Leopard 2” në Kiev duke filluar nga korriku.
“Ne nuk do të jemi në gjendje të zëvendësojmë të gjitha tanket që janë jashtë funksionit. Por ajo që po bëjmë është të vazhdojmë të dorëzojmë më shumë tanke Leopard duke filluar nga korriku. Dhe deri në fund të vitit do të ketë më shumë se 100″, theksoi ai.
Ndërsa nuk konfirmoi vërtetësinë e fotove që do të tregonin tanket ”Leopard 2” të shkatërruar nga Rusia.
“Fatkeqësisht, natyra e luftës është e tillë që armët shkatërrohen, tanket shkatërrohen dhe njerëzit vdesin. Kjo është arsyeja pse mbështetja jonë për Ukrainën është kaq e rëndësishme”,
