Bullitt njoftoi të martën se po bashkohet me MediaTek për të lansuar smartfonin e parë në botë që përmban teknologjinë e mesazheve satelitore të dyanshme.
Ky celular që ende nuk u shpalos do të dalë në treg në tre muajt e parë të vitit 2023.
Telefoni inteligjent do të prodhohet nga Bullitt dhe do të përdorë çipin e rrjetit jotokësor 3GPP (NTN) të MediaTek.
Ndryshe nga shërbimi i urgjencës SOS i bazuar në satelit të Apple, kjo teknologji e re do t’ju mundësojë përdoruesve të dërgojnë mesazhe pa probleme në celularët e tjerë të lidhur me rrjetet e rregullta.
Bullitt nuk ka zbuluar rajonet e sakta ku këto veçori do të jenë fillimisht të disponueshme.
Bullitt bëri njoftimin të martën se telefoni inteligjent dhe shërbimi satelitor OTT do të vihen në dispozicion komercalisht në tre muajt e parë të vitit 2023.
Kompania ka punuar së bashku me MediaTek për 18 muajt e fundit për të zhvilluar këtë teknologji. Bullitt planifikon të përdorë teknologjinë e komunikimit të drejtpërdrejtë satelitor me gjeneratën e ardhshme të telefonave inteligjentë 5G.
Siç zbulon, prodhuesi, një smartfon do të kalojë në lidhjen satelitore vetëm nëse nuk ka lidhje celulare ose Wi-Fi.
Përdoruesit e smartfonëve Bullitt do të jenë në gjendje të dërgojnë mesazhe pa probleme te kontaktet e tyre të ruajtura që janë të lidhura me rrjetet e rregullta celulare.
Kompania pretendon se mund të duhen rreth 10 sekonda për të dërguar një mesazh përmes këtij shërbimi.
Shërbimi satelitor OTT do të përfshijë një veçori SOS satelitore, e cila do të ofrohet pa pagesë për 12 muajt e parë nga data e blerjes. Bullitt ka zbuluar se kjo ofertë do të zbatohet për blerjet e bëra përpara dhjetorit 2023.
