Bizneset me një xhiro deri në 80 milionë lekë të vjetra në vit, paguajnë aktualisht 5 për qind tatim-fitim, ndërsa mbi këtë shumë, kjo taksë rritet në 15 për qind.
Për ta luftuar këtë, Kryeministri Edi Rama, i shoqëruar nga ministri i Ekonomisë dhe Financave, Arben Ahmetaj njoftuan nismën e qeverisë për ta rritur këtë tavan në 100 milionë lekë të vjetra/
“Nga 5 për qind, në 15 për qind, kjo bën që shumë prej jush gënjejnë me bilancet dhe për të mbajtur kokën nën tavan jetojnë nën stresin e vazhdueshëm të hartimit të bilanceve të rreme. Këtë çështje ne mendojmë se ka ardhur koha ta adresojmë në mënyrë që asnjë biznes i vogël të mos gënjejë. Tavani do të rritet mbi 100 milionë!”, tha Rama.
Qeveria thotë se nuk kërkon që të vjelë para nga biznesi i vogël për të mbushur buxhetin, por kërkon që ta shndërrojë atë në një aleat për të kontrolluar biznesin e madh.
“Me këtë rritje, ju nga gënjeshtarë të ktheheni në aleatë të shtetit për të realizuar qëllimin e gjithë kësaj lëvizjeje, që nuk është për të marrë më shumë lek nga ju për buxhetin, por për të mos lejuar që të mëdhenjtë t’u shmangen detyrimeve të shtetit”, u shpreh Kryeministri.
Këto deklarata u bënë gjatë një takimi të organizuar me përfaqësues të biznesit të vogël.
Top Channel