Në Shtëpinë e Bardhë filloi takimi mes Presidentit Recep Tayyip Erdogan dhe Presidentit Donald Trump.
Këtu Presidenti Erdogan u prit me ceremoni zyrtare nga ana e homologut të tij amerikan Donald Trump.
Para takimit të dy liderët u prononcuan në interes të gazetarëve.
Erdogan u mjaftua duke thënë se deklaratën e detajuar do ta bëjë në një konferencë për shtyp që do të organizohet pas takimit kokë më kokë.
Ndërkaq Trump duke vënë në dukje se kanë miqësi të gjatë me Presidentin Erdogan e falënderoi këtë të fundit për punën e kryer në kufirin turko-sirian.
Shefi i Shtëpisë së Bardhë gjithashtu rikujtoi se Turqia kohëve të fundit në Siri ka kapur mbi 100 pjesëtarë të organizatës terroriste DAESH.
Duke vënë në dukje se “Me Turqinë do ta zhvillojnë vëllimin tregtar”, lideri i ShBA-së tha se gjatë takimit do të shkëmbejnë mendimet në lidhje me sistemin e mbrojtjes ajrore S-400, të cilën Turqia bleu nga Rusia, dhe për çështjen e avionëve luftarakë F-35.
