Opozita duket të mos ketë një qendrim të vetëm në lidhje me zgjedhjen e Presidentit ku Alibeaj dhe një pjesë e deputetëve të PD-së mbështesin pjesëmarrjen në proces, kurse Rithemelimi nuk beson të sinqeriteti i maxhorancës duke kërkuar bojkotimin e procesit dhe lënien e Ramës që të zgjedhë sipas tyre emrin që tashmë e ka caktuar.
Takimet do të zhvillohen të ndara, ku fillimisht pritet të diskututohet mes kreut të Grupit Parlamentar socialist Taulant Balla dhe Mesila Dodës, rreth orës 10:00. Takimi do të pasohet me Fatmir Mediun.
Më herët Byroja e Kryetarëve vendosi që data 15 maj të jetë data e votimit në raundin e parë. Fatmir Mediu deklaroi pak më parë për mediat se do të ishte mirë që opozita të dilte me një kandidat të përbashkët.
Ndërkohë në dispozicion të palëve do të jenë disa ditë për gjetjen e një emri konsensual.
Sipas platformës së Alibeaj, kandidati për President duhet të jetë së pari antikomunist. PS e ka refuzuar këtë platformë.
Mësohet se në mbledhjen e Konferencës së Kryetarëve do të jetë z.Alibeaj, znj. Mesila Doda, mund të jetë z. Fatmir Mediu, z. Balla nga grupi i PS dhe ministrja për Marrëdhëniet me Parlamentin Elisa Spiropali”.
Nga radhët e socialistëve mësohet se deri më tani nuk ka një emër konkret megjithatë po kalojnë disa emra në sitë. Synohet një konsensus me opozitën për tre raundet e para.
