Deputeti i LDK-së, Armend Zemaj, përmes një postimi të tij në Facebook, ka treguar arsyen e largimit të LDK-së nga seanca e sotme e Kuvendit, derisa shkruan ai se sot u dëshmua që qeveria e pakicës e ka bërë Kuvendin jofunksional.
Për më tepër ai ka shkruar se kjo qeveria e ka humbur legjitimitetin e të ashtuquajturës mazhorancë.
Sipas tij, seanca e sotme ka filluar në mënyrë arbitrare, derisa shkruan Zemaj, kryesuesi fillon seancën pa miratimin e rendit të ditës.
“Kryesuesi i seancës në mënyrë arbitrare filloi seancën pa miratimin e rendit të ditës. Këta mashtrojnë me prezencën në sallë, ofendojnë opozitën dhe tentojnë të shantazhojnë me logjikën e përfitimit personal”, ka shkruar Temaj në Facebook.
Postimi i plotë i Zemajt:
Kryesuesi i seancës në mënyrë arbitrare filloi seancën pa miratimin e rendit të ditës. Këta mashtrojnë me prezencën në sallë, ofendojnë opozitën dhe tentojnë të shantazhojnë me logjikën e përfitimit personal.
Kjo qeveri e pakicës edhe sot u dëshmua se e ka bërë Kuvendin jo funksional duke e humbë edhe legjitimitetin e të ashtuquajturës mazhorancë.
Qëndrimi jonë është konform përgjegjësive tona institucionale. Nuk do të lejojmë që kjo qeveri e degradimit të vazhdojë me këtë avaz të njëjtë dhe vendin ta kthejë mbrapa aty ku dëshirojnë zaptuesit e institucioneve demokratike të Republikës së Kosovës.
P.S
Kjo është shumica aktuale e kësaj Qeverie.
/Kosova Post/