Në orën 12:00 të 12 Prillit, Partia Socialiste nis zyrtarisht fushatën. Për këtë të fundit, kryeministri Edi Rama deklaroi sot në rubrikën e tij “Sy m’Sy” se do të startojë me një cikël takimesh.
“Ne do të nisim fushatën me një cikël takimesh që do zhvillohen në të njëjtën kohë, natyrisht në këtë cikël ne do jemi sëbashku me fuqinë tonë kryesore që janë gratë dhe vajzat. Le të vazhdojmë ndërkohë me të sotmen dhe me çastin”, u shpreh shkurtimisht ai.
Pritet që socialistët të mblidhen në Sheshin Skënderbej për një takim festiv për “Shqipërinë 2030”, në datën që sipas Ramës ka një simbolikë tejet të veçantë. “12 prill nga 12 qarqe rreth 12 yjeve të Europës në 12.00, familja jonë e madhe politike”, ka shkruar ai më herët.
Nga ana tjetër, PD e nis nesër (11 Prill) fushatën e saj elektorale për zgjedhjet parlamentare.
