Presidenti Ilir Meta ka folur nga Përrenjasi për rekomandimin e hapjes së negociatave me BE.
Duke folur pas inaugurimit të çerdhes së qytetit të rikonstruktuar me fondet e Turqisë, presidenti Meta u shpreh se duhet ‘të përqendrohemi në thellimin reformave për përmbushjen 5 prioriteteve kyçe’.
‘I bindur që i kemi të gjitha mundësitë për çeljen e negociatave’, nënvizoi në fjalën e tij, presidenti i Shqipërisë, Ilir Meta.
Presidenti kërkoi që të evitohen polemikat e brendshme.
‘Të evitojmë çdo lloj polemike e të përqendrohemi në objektivin e integrimit europian’.
Gjatë ditës së sotme, Presidenti Meta është për një vizitë në Përrenjas dhe në sheshin kryesor të qytetit nga kryetarja e Bashkisë, Miranda Rira e dhjetëra banorë.
Presidenti Meta ka marrë pjesë në inaugurimin e çerdhes së qytetit të rikonstruktuar me fondet e shtetit të Turqisë, ku i pranishëm në ceremoni edhe ambasadori i Republikës së Turqisë, Ahmet Yoruk.
‘Falënderime dhe mirënjohje të sinqerta për bujarinë e shtetit të Turqisë për ndihmat financiare’, u shpreh Presidenti Ilir Meta.
Ndërsa ambasadori i Turqisë tha se është ‘tejet i kënaqur të jem sot në krah të Presidentit Meta, personalitet e mik i madh i Turqisë’.
‘Marrëdhëniet midis dy vendeve tona, shume te ngushta e vëllazërore’, tha Yoruk.