Autoritetet kineze kanë konfirmuar sot se numri i të vdekurve nga rrëshqitja e dheut në provincën Yunnan, në rajonin malor të Kinës jugperëndimore, është rritur në 20, ndërsa 24 persona rezultojnë të zhdukur.
Fatkeqësia ndodhi të hënën pak para orës gjashtë të mëngjesit në fshatin Liangshui në pjesën verilindore të Yunnan.
Pas ndërprerjes së përkohshme të operacioneve të shpëtimit për shkak të paralajmërimit të ri të rrëshqitjes së tokës, autoritetet sot kanë vazhduar me kërkimin dhe shpëtimin e të rrezikuarve.
