71 njerëz kanë humbur jetën për shkak të përmbytjeve të papritura që goditën zonën e Texas-it, përfshirë edhe 15 fëmijë, sipas mediave amerikane. Autoritetet kanë shpallur gjendje emergjence dhe po përqendrojnë përpjekjet në identifikimin e të zhdukurve, ndërsa reshjet e papritura kanë shkaktuar ngritje të papritur të lumit Guadalupe, deri në 8 metra brenda vetëm 45 minutave .
Zjarrfikësit, Garda Kombëtare dhe Rojës Bregdetare së bashku me ekipet e shpëtimit po punojnë pa ndërprerje për të shpëtuar personat e bllokuar nga uji. Disa familje janë parë duke lundruar me kanoe për të shpëtuar veten apo për të ndihmuar të tjerët .
Pamjet kanë dokumentuar situata dramatike: shtëpi të shkatërruara, automjete të përfshira në rrëshkitje, fëmijë të shpëtuar nga pemët dhe revolta të banorëve për mungesën e paralajmërimeve.
Ndër më të prekurit është Kampi Mystic, një qendër e njohur kampingu për të rinj, ku 11 kampistë dhe një këshilltar rezultojnë ende të zhdukur. Autoritetet janë duke kërkuar në mënyrë intensive në zonat e përmbytura pranë kampit, ku rrjedha e ujit ka qenë jashtëzakonisht e fuqishme.
Guvernatori Greg Abbott tha të dielën se përmbytjet e menjëhershme mund të përbëjnë ende rrezik për disa rajone të Teksasit gjatë ditëve të ardhshme, pasi priten “reshje më të dendura”.
Reshjet e dendura të shiut mund të çojnë në përmbytje të menjëhershme në Big Country, Concho Valley, Teksasin Qendror dhe përsëri në Kerrville, tha guvernatori gjatë një konference për shtyp.
