Ambasadori i Turqisë në Prishtinë, Çağrı Sakar, për nder të festës së Fitër Bajramit, ka vizituar Prekazin e Drenicës, për të bërë homazhe tek varret e dëshmoreve si dhe për t’u takuar me anëtarë të familjes së Jasharëve.
Ambasadori turk Sakar në kullën e Jasharëve është pritur nga përfaqësuesi i familjes Murat Jashari, i cili e ka uruar “për mundin dhe rrugën e marrë për t’i nderuar dhe uruar ata për festën e Fitër Bajramit”, thuhet në njoftimin e Ambasadës së Turqisë në Prishtinë.
Jashari e falënderoi ambasadorin turk për vizitën si dhe shprehu mirënjohje që e ndajnë bashkë dhimbjen dhe krenarinë për familjen e komandantit Adem Jashari.
Sakar tha se sakrifikimi me jetë i familjes Jashari, kthehu sytë drejtë Kosovës. “Sot, ne kujtojmë sakrificën dhe luftën e lavdishme të Komandantit Legjendar Adem Jashari, ku rënia e tij dhe e gjithë familjes drejtoi sytë e gjithë botës në Kosovë”, tha ambasadori turk Sakar.