Sarajeva kujton sot 25-vjetorin e një prej masakrave më të rënda të luftës, atë të një shpërthimi në Markale Market, ku një predhë serbe e lëshuar në një ditë të qetë e me diell, vrau 68 njerëz e plagosi qindra të tjerë.
Tragjedia ndodhi kur tregu i njohur i kryeqytetit boshnjak ishte plot me njerëz duke bërë pazar, pasi ishte një ditë patë shtëna e luftime.
5 Shkurti mbahet dhe si Dita e Kujtimit në Sarajevë, ku kujtohet pikërisht kjo masakër, më e rënda për këtë qytet në të gjithë tre-vjeçarin e luftës 1992-1995.
Sipas hetimeve, ishte një predhë mortaje ajo që ra në treg duke shkaktuar një lumë gjaku prej viktimave të shumta.
Ky krim ishte një nga pikat e aktakuzës kundër komandantit të korpusit të Sarajevës, serbit Stanislav Galiç. Nga Tribunali i Hagës për krime lufte ai është dënuar me burgim të përjetshëm. /tesheshi.com/
