Kancelari gjerman Olaf Scholz hodhi poshtë shqetësimet në lidhje me ”Deutstche Bank” pasi trazirat e reja tronditën dje sektorin bankar të Evropës duke bërë që aksionet të fundosen.
”Deutsche Bank’ ka modernizuar dhe riorganizuar rrënjësisht modelin e saj të biznesit dhe është një bankë shumë fitimprurëse”, tha Scholz, duke hedhur poshtë çdo krahasim midis huadhënësit më të madh të Gjermanisë dhe ”Credit Suisse”.
“Nuk ka asnjë arsye për t’u shqetësuar për asgjë”, tha ai në Bruksel në një samit të BE-së.
Aksionet e ”Deutsche Bank” të listuara në Frankfurt ranë deri në 14% dje, të nxitura pjesërisht nga një rritje në kostot e sigurimit të mospagimit, përpara se të rikuperoheshin për të mbyllur më shumë se 8%.
Rivali gjerman ”Commerzbank” humbi rreth 5%.
Shqetësimet rreth trazirave të fundit në industritë bankare dhe shenjat e shtrëngimit të mëtejshëm monetar nga bankat qendrore, dëmtojnë huadhënësit evropianë.
”Société Générale” e Francës u mbyll me 6% dhe ”BNP Paribas” humbi 5%.
Indeksi DAX i tregut të aksioneve të Gjermanisë i 40 çipave më të mëdhenj blu të vendit, u mbyll me 1,66%, duke u rrëshqitur përsëri nën 15,000 pikë në 14,957.23.
MDAX, i cili përfshin aksionet me kapital të mesëm, ra me 2,86% në 26,484.15.
Bursat e tjera evropiane shkuan gjithashtu në ulje, EuroStoxx 50, indeksi kryesor i kompanive më të mëdha të eurozonës, ra me 1,8%. CAC 40 i Francës ra me 1,7% dhe FTSE 100 i Britanisë ra me 1,3%.
