Kancelari gjerman, Olaf Scholz pret të arrijë një marrëveshje me presidentin e zgjedhur të SHBA-së, Donald Trump, në lidhje me qasjen e ardhshme ndaj Ukrainës.
”Scholz ka pasur biseda të shumta telefonike me Trump dhe ka qenë në kontakt të drejtpërdrejtë me zyrtarët e tij të politikës së sigurisë”, tha kancelari gjerman për gazetat e Funke Mediengruppe, në një intervistë të botuar sot.
Ai shprehu besimin në zhvillimin e një strategjie të përbashkët për Ukrainën me Trump, i cili do të rihyjë në Shtëpinë e Bardhë më 20 janar, pasi mundi Kamala Harris në zgjedhjet presidenciale në nëntor.
Scholz pohoi se Gjermania ishte përkrahësja më e fortë i Ukrainës në Evropë dhe do të mbetej e tillë.
Ai theksoi rëndësinë e përfundimit të vrasjeve dhe sigurimin e pavarësisë dhe sovranitetit të Ukrainës.
Scholz vizitoi Kievin në fillim të këtij muaji për bisedime me presidentin ukrainas Volodymyr Zelensky.
Kjo ishte vizita e dytë e Scholz në Ukrainë që nga pushtimi rus në shkurt 2022.
Trump do të takohet sot me presidentin e Francës Emmanuel Macron në Paris.
Sipas Pallatit Élysée, Trump dhe Macron do të takohen për bisedime dypalëshe pasdite.
Macron gjithashtu do të takohet me Zelenskyn më pas.
Gjatë fushatës zgjedhore në SHBA, Trump deklaroi se mund t’i jepte fund luftës në Ukrainë brenda 24 orëve, por nuk është shprehur më kohët e fundit për këtë.
