Një operacion i policisë greke, duke përdorur edhe metoda speciale hetimi, ka zbuluar një rast të trafikuar ndërkombëtar të pilulave esktazi nga Holanda në Greqi.
Operacioni është zhvilluar në rrugën kryesore të Athinës “Leoforon Mesogion”, ku është ndaluar një automjet brenda të cilit janë gjetur dhe sekuestruar 10.000 pilula ekstazi.
Në prangat e policisë ka rënë shtetasi shqiptar Viktor Mucopataj, 41 vjeç.
Ky i fundit rezulton i arrestuar tre herë më parë për kokainë në Greqi dhe ka vuajtur 10 vite heqje lirie.
Operacioni është drejtuar nga Kreu i Policisë Kufitarë të Rafinës, Aggelo Kiousi dhe në operacion ka marrë pjesë skuadra e antidrogës dhe njësia e operacioneve speciale të policisë kufitarë të Rafinës.
Sipas burimeve, Mucopataj dyshohet se është pjesë e një rrjeti ndërkombëtar trafiku dhe droga ishte trafikuar nga Holanda.
Mucopatajt i është sekuestruar një celular dhe automjeti.
