Punonjësit e kompanisë “Mabco” të Behgjet Pacollit janë rikthyer sërish mëngjesin e sotëm në kantierin e Aeroportit të Vlorës. Fillimisht ka pasur disa momente tensioni, pasi ata janë përplasur me rojet e sigurisë që i kanë penguar.
Megjithatë, punonjësit e “Mabco” kanë arritur të hyjnë dhe më pas kanë nxjerrë nga zyrat punonjësit e kompanisë “2A Group” të Valon Ademit.
Nënkontraktorët thonë se po kontrollojnë nëse çdo gjë që kanë lënë është në rregull, pasi kishin lënë pajisje dhe materiale të ndryshme pune. Nga ana tjetër, përfaqësuesi i “2A Group” ka bërë kallëzim në Policinë e Vlorës.
