SHBA, grupet e armatosura nuk do të dorëzohen pa luftuar

Mos i humb

Detaje nga operacioni në Elbasan/ Çmontohet grupi i rrezikshëm, gjenden 5 kg heroinë në kamionin e linjës Shqipëri-Greqi

Një operacion i madh antidroge ku është goditur një grup i rrezikshëm që duket se luante fijet e trafikut jo vetëm në...

Humbje e dhimbshme! Për herë të parë në vend ndërron jetë një fëmijë nga covid, vetëm 16 muajsh

Që nga fillimi i pandemisë në vend kanë humbur jetën 657 qytetarë mes tyre dhe shumë të rinj por asnjëherë deri më...

Turqi, hyn në fuqi shtetrrethimi antiCovid-19

Disa kufizime të reja, të njoftuara nga presidenti Recep Tayyip Erdogan për të frenuar përhapjen e COVID-19 hyjnë sot në fuqi.

“Vaksinat anti-Covid mund të mbërrijnë muajin tjetër”! Shpresë në Britani pas dy javësh në izolim total

Ministri britanik i Shëndetësisë, Matt Hancock, dha dje lajmin e mirë se vaksinat kundër coronavirusit do të fillojnë të mbërrijnë muajin tjetër,...

SHBA-ja është ndërtuar nga emigrantët, por ende nuk ka shëruar plagët e ndarjes racore.

Më shumë se 100 vjet pas heqjes së skllavërisë, grupet që mbrojnë dhe promovojnë supremacinë dhe racizmin e bardhë ende ekzistojnë. Në vitin 2020 këto grupe të lidhura me Ku Klux Klan, evoluan dhe filluan të dilnin nga hijet.

Ata paraqiten të armatosur në protesta kundër racizmit për të ruajtur rendin dhe për të mbrojtur biznesin. Sipas të dhënave zyrtare, këto grupe ose milici civile u shfaqën në protesta në të paktën 33 shtete në katër muajt e fundit.

Që nga viti 2015, autoritetet dhe organizatat civile të dedikuara për studimin e sjelljes së grupeve të përbëra nga kaukazianët e bardhë që promovojnë racizmin, ksenofobinë, homofobinë, antisemitizmin dhe supremacinë e të bardhëve, janë shqetësuar për rritjen e aktiviteteve të tyre.

“Në vitin 2019 përpjekjet e këtyre grupeve për të qëndruar relevante duke krijuar ueb faqe dhe nxjerrjen e programeve biseduese ose broshurave kanë dalë efektive në ruajtjen e numrit të tyre”, thuhet në një raport nga Qendra Jugore e Ligjit për Varfërinë (SPLC), një grup i avokimit ligjor i të drejtave civile.

Protestat nga supremacistët e bardhë në 3 muajt e fundit kanë rritur alarmet për autoritetet, aktivistët dhe grupet e opozitës sepse ata shfaqen të armatosur publikisht për të treguar pakënaqësi ndaj masave gjatë pandemisë së koronavirusit (COVID-19) nga guvernatorët demokratë ose për të treguar mosmarrëveshje me protestat nga lëvizja e “Black Lives Matter”, (Jeta e personave me ngjyrë ka rëndësi).

Për shumë amerikanë, retorika e presidentit të SHBA-ve, Donald Trump që nga fushata e tij presidenciale e vitit 2016 ka qenë shkëndija në kutinë që i bëri supremacistët e bardhë të ndjehen të fuqishëm për të ndërmarrë veprime në rrugë.

Trump ka shpërndarë mesazhe dhe video në Twitter duke promovuar “fuqinë e bardhë”. Në debatin e tij të parë presidencial kundër Joe Biden në fillim të muajit, ai refuzoi të dënojë dhunën që u atribuohet këtyre grupeve. Në fjalimet, ai dënon vetëm vandalizmin e protestuesve dhe refuzon të flasë për rastet e personave me ngjyrë të vrarë nga policët e bardhë.

Muajin e kaluar, drejtori i FBI-së, Christopher Wray paralajmëroi Kongresin për këto grupe, të cilat tashmë shihen si një kërcënim i brendshëm terrorist. Informacioni nga byroja tregon se vitet e fundit ka pasur 1.000 incidente nga grupe raciste të regjistruara çdo vit dhe konsiderohen akte të terrorizmit të brendshëm.

Një raport i Databazës Globale të Terrorizmit tregon se 35 për qind e terrorizmit të brendshëm të regjistruar në SHBA në 7 vitet e fundit kanë të bëjnë me njerëz ose grupe të armatosura të epërsisë së djathtë ekstreme dhe supremacisë së bardhë.

Në gusht, mes protestave në Kenosha, Wisconsin, pasi Jacob Blake, një person me ngjyrë u qëllua nga një polic i bardhë, një adoleshent 17-vjeçar vrau dy persona dhe plagosi dy të tjerë me një pushkë AR-15. Adoleshenti, një anëtar i një grupi të milicisë supremaciste të bardhë, u largua nga vendi i krimit pa u arrestuar ose marrë në pyetje nga policia. Kyle Rittenhouse u dorëzua në polici në qytetin e tij të lindjes, Antioch, Illinois, një ditë më pas.

Afro-amerikanët gjithashtu armatosen

Reagimet ndaj këtyre grupeve dhe retorikës së Trumpit shkojnë përtej kritikave ose pakënaqësive. Për muaj me radhë, grupet me ngjyrë gjithashtu janë armatosur dhe përgatitur për atë që ata besojnë se mund të ndodhë së shpejti: përplasje të armatosura në protesta, të shkaktuara nga supremacistët e bardhë, pasi asnjëra palë nuk është e gatshme të heqë dorë pa luftuar.

“Kjo ka qenë e zakonshme në SHBA. Kështu ka vepruar vendi gjatë gjithë historisë. Kjo filloi me dhunë kur ata donin të kontrollonin me shtypje popullsinë skllevër. Ne jemi të armatosur pothuajse kudo që shkojmë dhe ndoshta Panthers do të fillojnë të shfaqen edhe vetë në publik me armët e tyre”, tha për Anadolu Agency (AA), Yahacanon Denn Yah, kryetari kombëtar i Partisë së Re Black Panthers.

Yah tha se grupet e komunitetit me ngjyrë u paralajmëruan se ka grupe paraushtarake të bardha që marrin pjesë në protestat anti-racizëm për të intimiduar protestuesit dhe nxitur ato grupe të bardha të dilnin nga protestat.

“Duket se është e mundur që së shpejti të shohim një konfrontim. Kushtetuta u jep të gjithë qytetarëve, pavarësisht ngjyrës së tyre, të drejtën për të pasur armë. Por, ne jetojmë në dy SHBA të ndryshme. Kur të bardhët e bëjnë këtë, ata flasin se janë në të drejtën e tyre, por kur njerëzit me ngjyrë e bëjnë këtë atëherë ata janë kriminelë, janë kërcënim ose i vënë njerëzit e tjerë në rrezik dhe kjo është mënyra në të cilën propaganda shtyn kundër nesh”, tha ai.

Grupet aktiviste dhe organizatat e të drejtave të njeriut tregojnë se racizmi ose veprimet raciste janë në rritje. Disa madje po vijnë përpara për të paralajmëruar se nëse Trump mbetet në pushtet, problemi do të përkeqësohet, pjesërisht për shkak të qëndrimit të tij në mbështetje të grupeve supremaciste të bardha.

“Nëse ai mbetet në pushtet, me siguri do të ketë më shumë dhunë raciste dhe luftime në rrugë. Nuk ka asnjë ndryshim midis Ku Klux Klan të mëparshëm dhe grupeve të sotme. Ata janë thjesht emra të ndryshëm dhe rroba të ndryshme. Shumë nga anëtarët e saj mbrohen nga policia. Shumë të bardhë besojnë se nëse nuk i duan njerëzit me ngjyrë ata kanë licencë për t’i vrarë dhe do të gëzojnë pandëshkueshmëri”, tha Yah.

“Kur shohim dikë si Trump të vijë në pushtet ne kemi një ndjenjë më të madhe të mbrojtjes sepse kërcënimet janë më të mëdha. Është diçka që nuk e kemi parë më parë, që nuk e kishim përjetuar për një kohë të gjatë. Trump ka dërguar një mesazh që lejon dhunën dhe jemi të sigurtë se nëse ai vazhdon të jetë president, kjo dhunë do të rritet”, shtoi ai.

Trump inkurajon dhunën

Presidenti Trump ka inkurajuar dhe mbështetur grupet supremaciste të bardha siç nuk ka bërë asnjë president tjetër. Presidentët Ronald Reagan, George Bush, Bill Clinton dhe madje George W. Bush dënuan aktet e dhunshme raciste.

Në Charlottesville, Virginia, një anëtar i njërit prej këtyre grupeve shtypi me makinë një turmë protestuesish, duke vrarë një person. Trump refuzoi të dënojë vrasjen dhe preferoi të devijojë vëmendjen duke thënë se ka edhe grupe të dhunshme në të majtën. Pastaj grupet që lidhen me KKK-në e falënderuan Trumpin në rrjetet sociale për pozicionin e tij.

“Fjalimi i presidentit Trump është inkurajues i dhunës. T’u thuash grupeve të supremacistëve të bardhë ‘të tërhiqen dhe të presin’ është jashtëzakonisht e rrezikshme. Është e qartë, se ai ka inkurajuar ata që të dalin dhe ne e shohim se ata po dalin pa frikë, i pamë ata duke qëlluar njerëz në Kenosha. Fjalët e Trumpit pasqyrojnë rrezikun e shpërthimit më shumë të dhunës në vend”, tha Vicky Ross, kreu i Qendrës së Paqes në New York, një grup i drejtësisë sociale.

Ky është qëndrimi i Trumpit në lidhje me mundësinë e humbjes së zgjedhjeve.

Presidenti ka refuzuar vazhdimisht të angazhohet për një tranzicion paqësor nëse ai humb, duke rritur shqetësimin në lidhje me veprimet e dhunshme nga grupet e supremacistëve të bardhë të shpërthejnë në nëntor.

“Ne i kemi zgjedhjet dhe është gjithashtu e rrezikshme që presidenti nuk është i përkushtuar të pranojë rezultatet e zgjedhjeve. Në këtë kohë dhe përballë saj, këto grupe përfaqësojnë një kërcënim real për vendin. Më duhet të them se diçka do të ndodhë nëse ai humb dhe nuk i pranon rezultatet. Jemi në një kohë shumë të rrezikshme dhe e gjithë kjo është rritur që nga viti 2016”, tha Ross.

- ISLAMSHOP.CH -
- ISLAMSHOP.CH -

Të fundit

PD: Qeveria po e përdor fatkeqësinë për të vjedhur dhe për zgjedhje. Koha e Ramës ka mbaruar!

1 vit pas tërmetit shkatërrues që goditi vendin, ish-deputetë të Partisë Demokratike, pjesë e ekipit që kanë ndjekur nga afër procesin e...

Policia malazeze rrëzon dyshimet: Nuk ka të dhëna se Dritan Abazoviç po shantazhohet nga grupet kriminale

Prej dy ditësh tashmë në mediat malazeze qarkullon lajmi që lideri i lëvizjes URA, politikan shqiptar Dritan Abazoviç është kërcënuar me jetë...

MSH informacion për situatën: 656 raste të reja në 24 orët e fundit, 10 të vdekur nga COVID-19

Ka një rënie të rasteve ditore me COVID-19 që përkon me uljen e testimeve. Ndërkohë që raportohen 10 humbje jete në 24...

Osmani merr një vendim tjetër, anulon të gjitha konkurset në kuadër të Zyrës së Presidentit

Ushtruesja e detyrës së Presidentes së Kosovës, Vjosa Osmani sot ka marrë edhe një vendim të ri. Osmani ka...

“E vuaj më shumë, sepse kam një përgjegjësi”/ Manastirliu: Politikanët të mos guxojnë të fyejnë mjekët

“Askush nga politikanët të mos guxojë të fyejë mjekët dhe të dalin e të bëjnë politikë me punën e tyre, sepse mjekët...