Numri i të vdekurve në 24 orë ka shënuar një rritje të ndjeshme në SHBA, me 2 751 të vdekur të tjerë si pasojë e koronavirusit të ri, sipas të dhënave të Universitetit Johns Hopkins.
Një ditë më parë, SHBA-ja shënoi mbi 1 400 të vdekur në 24 orë. Vendi ka kaluar gjithashtu pragun e 800 000 rasteve të diagnostikuara zyrtarisht me COVID-19, me rreth 40 000 raste brenda 24 orëve, sipas shifrave të Universitetit të aktualizuara në vazhdimësi.
Sipas bilancit zyrtar të njoftuar nga çdo komb, SHBA-ja është shumë larg vendeve që janë prekur më shumë për nga numri i të vdekurve, 44 845 në total për më shumë se 820 000 raste, ndërkohë presidenti amerikan, Donald Trump akuzon vazhdimisht Kinën se ka fshehur numrin real të viktimave pasi në realitet numëron më shumë të vdekur se SHBA-ja.
Rreth 75 000 amerikanë janë deklaruar të shëruar.
Në fund të javës së kaluar, SHBA-ja regjistroi dy nga bilancet më të rënda me 3 800 dhe 4 500 të vdekur.
