Një banesë është shkrumbuar nga flakët mëngjesin e sotëm në një pallat pranë zonës së Shkëmbit të Kavajës.
Sipas policisë në momentin e zjarrit banesa nuk ka pasur njerëz brenda, dhe dëmet e shkaktuara janë vetëm materiale.
Paraprakisht dyshohet se zjarri është shkaktuar nga një shkëndijë elektrike.
NJOFTIMI
Më datë 26.07.2021, në orën 07:50, në lagjen nr.13, te Shkëmbi i Kavajës, dyshohet si pasojë e një shkëndije elektrike ka rënë zjarr në një banesë në katin e 3-të, të një pallati në të cilën nuk kishte persona brenda. Si pasojë e zjarrit janë shkaktuar vetëm dëme materiale.
Shërbimet e zjarrfikëses kanë bërë të mundur shuarjen e zjarrit ndërsa grupi hetimor po punon për zbardhjen e shkakut të zjarrit