Raportuesi për Kosovën në Parlamentin Europian, Igor Sholtes, përveç se ka folur për liberalizim të vizave për Kosovën ka folur edhe për numrin e madh të ministrave e në veçanti të zv/ministrave.
Sholtes, tha se Kosova duhet të bëjë lëvizje drejt reformimit të administratës publike.
“Por nëse dëshironi që të diskutojmë rreth kësaj reforme, duhet të kemi parasysh numrin e ministrave dhe zv/ministrave dhe njëkohësisht të sqarohet se ku dëshiron Kosova që të arrijë në të ardhmen. Për këtë arsye është shumë e rëndësishme që ne të përgatisim prioritet në planin ekonomik. Këtë duhet ta bëjmë edhe në sistemin arsimor dhe në shëndetësi”, tha Sholtes në konferencën për media./Kosova Post/
