Tregtia LNG-së, si një alternativë e tregtisë përmes tubacionit me gaz natyror, ka shënuar një rritje të madhe dhe të shpejtë gjatë 10 viteve të fundit.
Prandaj, në vitin 2009, 249.7 miliardë metra kub të gazit natyror u tregtua në formën e LNG-së, ndërsa në vitin 2010 sasia e tregtisë u rrit në 302.4 miliardë metra kub, dhe u rrit përsëri në 2011 në 328.3 miliardë metra kub.
Terminalet LNG të ndërtuara me shpejtësi dhe çmimet më të lira rritën pjesën e tregtisë së gazit natyror në formë të lëngshme.
Në vitin 2013, u tregtuan 326.8 miliardë metra kub LNG. Në vitin 2014, kjo shifër shkoi në 333.6 miliardë metra kub, në vitin 2015 ishin 337.1 miliardë metra kub të tregtuar, 358.3 miliardë metra kub u tregtuan në vitin 2016 dhe 393.3 miliardë metra kub në vitin 2017, kurse në 2018 u shitën 430.6 miliardë metra kub LNG.
Vitin e kaluar, tregtia e LNG-së u llogarit në 485.1 miliardë metra kub ndërsa tregtia e gazit natyror përmes tubacioneve arriti në rreth 801.5 miliardë metra kub. Shpërndarja e gazit përmes gazsjellësit të gazit natyror global ishte 62 për qind, ndërsa pjesa e LNG-së ishte 38 për qind në vitin 2019.
Në eksportet e LNG-së në të gjithë botën që arrijnë në 485.1 miliardë metra kub, Katari është eksportuesi më i madh me 107.1 miliardë metra kub, ndërsa Japonia importoi vëllimin më të madh të LNG-së me 105.5 miliardë metra kub.
Rusia është vendi që shiti gazin më të madh natyror përmes tubacioneve me 217.2 miliardë metra kub, e pasuar nga Norvegjia me 109.1 miliardë metra kub dhe SHBA me 75.4 miliardë metra kub.
Gjermania është vendi që bleu më së shumit gaz nga tubacioni me 109.6 miliardë metra kub. SHBA renditet e dyta me 73.3 miliardë metra kub e ndjekur nga Italia me 54.1 miliardë metra kub.
