Një shpërthim me eksplozov është regjistruar mbrëmë në një mobileri në Milot.
Policia bën me dije se ngjarja ka ndodhur në aksin rrugor Lezhë-Milot, në mobilerinë në pronësi të shtetasit Defrim Ajazi, banues në Tiranë.
Nga shpërthimi ka pasur vetëm dëme materiale ndërsa vijon puna për zbardhjen e ngjarjes.
“Më datë 20.06.2021, rreth 23:40, në aksin rrugor Lezhë-Milot,, në mobilerinë në pronësi të shtetasit D.A., banues në Tiranë, ka shpërthyer një sasi e dyshuar lëndë plasëse, e cila ka shkaktuar vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit”, thuhet në njoftimin e policisë.
