Kreu i PDIU Shpëtim Idrizi ka konfirmuar sot se në muajin shtator do të jetë në Parlament.
Aleati i Lulzim Bashës, gjatë një prononcimi për mediat nga sheshi “Skënderbej” në kuadër të aktivitetit për Javën Çame, tha se do të jetë në Kuvend në sesionin e ri parlamentar së bashku me deputetët e tij.
Idrizi theksoi se do të rikthehet çështja çame në Parlamentin e Shqipërisë.
“Padyshim në shtator jemi në Parlament për të paraqitur iniciativa ligjore për çështjen çame.
Do të rikthehet çështja çame në parlamentin e Shqipërisë, do të tentojë të thyejë heshtjen mbi çështjen çame,” u shpreh Idrizi.
