Siri, nga sulmi me auto-bombë vdesin 6 civilë në Tal Abyad

Mos i humb

Të paktën gjashtë persona kanë humbur jetën, duke përfshirë edhe tre fëmijë, ndërsa shtatë të tjerë janë plagosur në një sulm me bombë në pjesën verilindore të Sirisë, (AA).

Automjeti i ngarkuar me eksplozivë shpërtheu në juglindje të qytetit Tal Abyad, tha një burimi i sigurisë i cili kërkoi të mbetet anonim për shkak të kufizimeve për prononcim në media.

Forcat lokale të sigurisë dyshojnë se grupi terrorist PKK/YPG mund të jetë përgjegjës për sulmin.

Burimi thotë se katër nga civilët e plagosur, të cilët ishin në gjendje kritike, u sollën në Turqi.

Tal Abyad u pastrua nga terroristët gjatë operacionit “Burimi i Paqes”, i cili u nis më 9 tetor të vitit 2019. Aksioni ushtarak u iniciua për të eleminuar terroristët e YPG/PKK-së nga veriu i Sirisë në lindje të lumit Eufrat, për të siguruar kufijtë e Turqisë, për të ndihmuar kthimin e sigurt të refugjatëve sirianë dhe për të siguruar integritetin territorial të Sirisë.

Që atëherë, Turqia ka arritur marrëveshje me SHBA-në dhe Rusinë për të detyruar grupin terrorist të tërhiqet nga zona e sigurt e planifikuar.

Megjithatë, terroristët e PKK/YPG kanë vazhduar të kryejnë sulme në qarqet Tal Abyad dhe Ras al-Ayn pavarësisht se u tërhoqën nga zonat sipas marrëveshjes së arritur mes Turqisë dhe SHBA-së më 17 tetor.

Në fushatën e saj terroriste mbi 30-vjeçare kundër Turqisë, PKK, e cilësuar si organizatë terroriste nga Turqia, SHBA dhe Bashkimi Evropian, ka qenë përgjegjëse për vdekjen e 40.000 njerëzve, përfshirë gra, fëmijë dhe foshnja. YPG është dega e saj në Siri.

- ISLAMSHOP.CH -
- ISLAMSHOP.CH -

Të fundit