Ambasadori i BE në Tiranë, Luigi Soreca, ka qenë sot në Presidencë, ku ka zhvilluar një takim me Drejtorin e Kabinetit në Presidencë, Edmond Panariti.
Takimi mes tyre u zhvillua në Presidencë por nik dihet ende se për çfarë është diskutuar.
Ndërkohë rikujtojmë se Meta ndodhet në Korçë, ku dekoroi katër ish të përndjekur politikë.
Nga ana tjetër, në një seancë maratonë, që nisi dje në orën 10:00 dhe mbaroi në orët e para të mëngjesit të sotëm, Kuvendi miratoi qeverinë e re “Rama 3” dhe programin e ri qeverisës, ndërsa tashmë ditën e nesërme pritet të bëhet betimi te Presidenti Meta.
