Sulmet kibernetike ruse janë rritur 300% në vendet e NATO-s në vitin 2022 krahasuar me vitin 2020 dhe me 250% në Ukrainë, sipas një raporti të Google që konfirmon rëndësinë në rritje të kësaj arme në konfliktet e ardhshme.
“Operacionet kibernetike nga sulmuesit e mbështetur nga qeveria ruse u rritën deri në vitin 2021, përpara pushtimit rus të Ukrainës”, vëren raporti nga firma e sigurisë kibernetike ”Mandiant”, e blerë së fundi nga Google Cloud për të integruar Grupin e Analizës së Kërcënimeve të gjigantit amerikan (TAG).
”Në vitin 2022, Rusia rriti shënjestrimin e përdoruesve në Ukrainë me 250% në krahasim me vitin 2020. Synimi i përdoruesve nga vendet e NATO-s u rrit me më shumë se 300% gjatë së njëjtës periudhë”, pohon ai.
“Është e qartë se kiberneti tani do të luajë një rol të integruar në konfliktet e armatosura të ardhshme, në mbështetje të formave tradicionale të luftës”, vijon raporti.
Faqet e hakeruara, lufta e informacionit, sabotimi i infrastrukturave kritike apo spiunazhi, gjithçka kibernetike është përdorur nga të dyja palët në luftën në Ukrainë.
”Hakerët pro Moskës kanë përdorur malware shkatërrues për të prishur dhe degraduar aftësitë ushtarake dhe qeveritare të Ukrainës”, shkruan ”Mandiant” duke përshkruar gjithashtu sulmet ndaj infrastrukturës civile për të minuar besimin e ukrainasve në objektet kombëtare.
”Ne kemi vërejtur më shumë sulme kibernetike shkatërruese në Ukrainë gjatë katër muajve të parë të 2022-shit sesa në tetë vitet e mëparshme”, thuhet në raport.
”Mandiant” thekson, si të tjerët para tij, se sa shumë këto operacione përziejnë grabitjen e të dhënave, shkatërrimin dhe kontributin në operacionet e ndikimit duke përfshirë mbështetjen e veprimeve dhe reputacionit të grupit paraushtarak rus ”Wagner”.
Dhe ai nënvizon se si harta botërore e aktorëve, shpesh shumë të shqetësuar për përfitime financiare, po rivizatohet nga konflikti ukrainas dhe lëvizjet gjeopolitike që kanë rezultuar prej tij.
”Lufta ka bërë që sulmuesit e mbështetur nga qeveria kineze të kthejnë interesin e tyre drejt objektivave ukrainas, perëndimor dhe evropianë për informacion mbi konfliktin”, thekson dokumenti.
Për më tepër, e gjithë galaktika kibernetike e Evropës Lindore është zhvendosur.
“Linjat po mjegullohen midis sulmuesve të motivuar nga hyrjet financiare dhe atyre të mbështetur nga qeveritë në Evropën Lindore”, tha ”Mandiant”.
“Aktorët kërcënues ndryshojnë objektivat për t’u lidhur me interesat gjeopolitike rajonale”, shton ai duke vënë në dukje se disa grupe ishin zhdukur dhe të tjerët kishin humbur figura të shquara, pa dyshim nën peshën e mosmarrëveshjeve mbi strategjitë që do të ndiqnin.
