Deputeti Dukagjin Gorani është tallur me bindjet politike të kolegut të tij nga Lëvizja Vetëvendosje, Fisnik Ismaili, në një komunikim privat me një aktivist tjetër të VV-së, tregojnë disa biseda të anëtarëve të kësaj partie që kanë rrjedhur në publik.
Në një bashkëbisedim të Goranit me një aktivist të paidentifikuar të Lëvizjes, deputeti i VV-së shprehet skeptik rreth bindjeve politike të deputetit Ismaili.
Gorani thotë se kolegu i tij partiak “nuk ka haber” rreth politikave të majta që ndjek Lëvizja Vetëvendosje.
“…zyrtarët e LV kanë haber se çka është e majta progresive dhe socialdemokracia? Vërtet mendon se të gjithë janë të lexuar si Albini?… Mos të lutem…”, i shkruan Gorani aktivistit të VV-së me të cilin po bisedonte në rrjetin social Facebook.
Para disa ditësh, deputeti Fisnik Ismaili akuzoi aktivistët e Lëvizjes Vetëvendosje se po fyejnë e linçojnë anëtarët e partisë.
Ismaili i krahasoi disa nga aktivistët e VV-së me “njerëzit e SHIK-ut”./Kosova Post/
