Këtë vit shkollor, në 35 shkollat e arsimit profesional janë të regjistruar 19 mijë e 19 nxënës, ndërkohë që në 2013-n numëroheshin rreth 13 mijë. Ndërsa qendrat e arsimit profesional ndiqen aktualisht nga rreth 17 mijë persona.
Si është tu mësosh të rinjve, një nga zanatet më të kërkuara nga tregu i punës?
“Duke parë që kemi mosha të ndryshme është pak e vështirë pasi vijnë nga kultura të ndryshme, dhe kuzhinat janë të ndryshme, vështirësia më e madhe është që të mësojmë kuzhinën kontemporane sepse ka shumë kursantë që nuk njohin perime të ndryshme, fruta të ndryshme”, thotë Ardjan Shkalla, mësuesi i kuzhinës.
Për drejtuesin e qendrës më të madhe të kurseve profesionale në vend, vitet e fundit ka ndryshuar trendi i të interesuarve për të marrë zanat.
“Vit pas viti numri vjen në rritje, në 2013 kemi pasur 750 kursantë, vjet kemi pasur 400 kursantë, nga të cilët 3500 u certifikuan. Ajo që vëmë re është mosha e kursantëve që është ulur, mosha kryesore është 19-25 vjeç, vjet ka qenë 25-30 vjeç. ngarkesën kryesore e mbajnë kurset tradicionale, kuzhina, elektrike, rrobaqepësia”, shprehet Pirro Jani, drejtori i Drejtoria Rajonale e Formimit Profesional Publik Nr.4 Tirane.
Qeveria pranon se niveli i të gjitha shkollave dhe kurseve profesionale nuk është i njëjtë për të ndërtuar raport me bizneset për praktikat profesionale. Ashtu sikurse pohon se nuk ofrohet arsim i lartë për profesionistët e rinj.
“Shqipëria ka nevojë për profesionistë të të gjitha niveleve, për profesionistë të nivelit të mesëm dhe të lartë. aktualisht sistemi i arsimit profesional prodhon teknikë të mesëm. ne nuk ofrojmë arsim pas të mesëm, ofrojmë vetëm arsim të mesëm,. nëse një person ndjek hoteleri turizmin dhe kërkon të jetë mnenaxher i mesëm në turizëm aktualisht ne nuk kemi një program specifik që e con atë në nivelin pas të mesëm. por është një nga objektivat e qeverisë që të ofrojë arsim pas të mesëm profesional”, tha Dajna Soronsen, zv ministre e financave.
Sipas të dhënave zyrtare nga ministria e Financave buxheti për arsimin dhe formimin profesional është 3.3 miliard lekë, nga të cilat 1.3 miliard shkojnë vetëm për investime në shkolla. 20% më shumë se në vitin 2017. Por, ndërsa paratë janë dhe kryeministri Edi Rama përsërit vazhdimisht veten se: Në Shqipëri nuk ka profesionistë, mbetet të themi se as Shqipëria nuk ofron kushte për të përgatitur profesionistët e të ardhmes, zanatçinjtë me shkollë të lartë.
Viti 2017-2018
Arsimi/formimi profesional
Në 35 shkolla profesionale 19.019 të regjistruar
Në 10 qendra profesionale 17 mijë të regjistruar
Financat
Buxheti për vitin 2017-2018
3.3 miliard lekë Totali
13. milard lekë për investime në shkolla
Top Channel