Breshëri me armë zjarri pati sot në një ceremoni ku morën pjesë zyrtarë të lartë të qeverisë së Afganistanit.
“Ish-presidenti Hamid Karzai, shefi ekzekutiv Abdullah Abdullah dhe disa figura tjera u larguan nga vendngjarja në kryeqytetin Kabul”, tha për AA një zëdhënës i shefit ekzekutiv.
Abdullah u arratis pa u dëmtuar, tha zëdhënësi Omaid Maisam.
Tubimi u mbajt për të shënuar përvjetorin e vdekjes së liderit shiit, Abdul Ali Mazari.
Kjo erdhi pasi SHBA-të dhe talebanët arritën marrëveshje paqeje që synon t’i japë fund dhunës në vendin e shkatërruar nga lufta.
